الحق يقال (مجتمع بايظ)ـ
الكتابة هي هوايتي المفضلة قبل الكمبيوتر والنت ولكن لتفعيل هذه الكتابة لابد وأن أكون مواكب للاحداث التي تمر علينا ونحن واقفين معصبي الاعين واضعين أيدينا داخل الأذن معتقدين بذلك إننا نتفادي الحرج والإهانة من الممكن أن يكون هذا صحيح ولكن إلي متي سنظل هكذا جالسين في مقاعد المتفرجين لا شغل لنا ولا مشغلة وهذذذذا أيضا طبيعي جدا "أنت لا تعمل يبقي انت اكيد اكيد في مصر " وياسلام لو قعدتك كانت في قهوة أقصد كافيه زي اليومين دول يبقي انت ابو المصريين كلهم وتبقي عملت الكبيرة اوي لو لو رحت فرح وشربت حشيش تبقي وصلت لدرجة مصري مع وسام الطبقة التانية طبعا عارفين ليه التانية علشان الاولي مش لينا احنا ديه لناس تانية خالص بعدين عننا ومنعرفهومش خالص دول به هما المصريين من الطبقة الاولي إللي واكلينها والعة ومش سايبين حاجة للغلابة بتوع القرش والقرشين
أرجوك لا تفهمني غلط أنزل الشارع في منطقة مما يسمونها عشوائيات الناس ديه زهقت وقالت إشمعنا إحنا فأصبحت مصر بزراميت
وأنزل تاني في أي شارع في وسط البلد وخش ديسكو ولا كافيه غالي شوية برده هتلاقي النوعية إللي هناك زهقت بس بتدور علي الجديد معاها فلوس وبتعمل أي حاجة جديدة بفلوس إللي ممعهوش فلوس هوه الأخطر لما بيشوف الإنحراف من جانب اللي معاه فلوس
البلد في سبيلها إلي السقوط إن لم تكن سقطت بالفعل وعلي فكرة موضوع التحرش الجنسي في العيد إللي فات بيتكرر كل عيد عند السينمات يعني ديه حاجة مش جديدة علي المجتمع وانا شفتها من حوالي تلات سنين عند سينما ريفولي ومن ساعتها مبخوشش السينما في العيد علشان الزحمة مش علشان محدش يتحرش بيا أنا راجل برده ولا يكونوا الناس اللي مش عارفين هما ايه بالضبط بيتحرشوا هما كمان .
عبدالحميد سعيد جداً
الخميس، ديسمبر 28، 2006
الاشتراك في:
الرسائل (Atom)
